സംസ്ഥാനത്ത് ടിപിആർ അടിസ്ഥാനത്തിൽ കൊവിഡ് നിയന്ത്രണങ്ങൾ ഏർപ്പെടുത്തുന്ന രീതി അവസാനിപ്പിച്ച് സർക്കാർ. ടിപിആർ കണക്കാക്കുമെങ്കിലും അത് പ്രസിദ്ധീകരിക്കുകയോ നിയന്ത്രണങ്ങൾക്ക് അടിസ്ഥാനമാക്കുകയോ വേണ്ടെന്നാണ് സർക്കാർ തീരുമാനം.വാക്‌സിനേഷനിൽ ബഹുദൂരം മുന്നിലേക്ക് പോകാൻ കഴിഞ്ഞുവെന്ന വിലയിരുത്തലിലാണ് ഇത്തരമൊരു തീരുമാനം ആരോഗ്യ വകുപ്പ് സ്വീകരിച്ചിരിക്കുന്നത്. കഴിഞ്ഞ കൊവിഡ് അവലോകന യോഗത്തിൽ ഇക്കാര്യം ചർച്ചയായിരുന്നു. കണ്ടെയ്ൻമെൻറ് സോണുകളിലെ നിയന്ത്രണം ഉൾപ്പെടെ തീരുമാനിക്കുന്നത് നേരത്തെ തന്നെ ടിപിആറിൽ നിന്നും ഡബ്ല്യു.ഐ.പി.ആർ ആക്കി മാറ്റിയിരുന്നു. ജനസംഖ്യയുടെ അനുപാതം കൂടി കണക്കാക്കിയാണ് ഡബ്ല്യു.ഐ.പി.ആർ കണക്കാക്കുന്നത്. ഇത് ഇനി അടിസ്ഥാന രേഖയാക്കി നിയന്ത്രണങ്ങൾ ഏർപ്പെടുത്താനാണ് സർക്കാർ നൽകിയിരിക്കുന്ന നിർദേശം