സംസ്ഥാനത്ത് സിക വൈറസ് ബാധ നിയന്ത്രണവിധേയമായതായി ആരോഗ്യ മന്ത്രി വീണ ജോർജ്. ഒരാഴ്ചയിലേറെയായി കേസുകളൊന്നും റിപ്പോർട്ട് ചെയ്തിട്ടില്ല. സംസ്ഥാനത്ത് ഇതുവരെ 66 സിക വൈറസ് കേസുകളാണ് തിരിച്ചറിഞ്ഞതെന്നും ആരോഗ്യ മന്ത്രി പറഞ്ഞു.62 കേസുകൾ തിരുവനന്തപുരത്തായിരുന്നു. എറണാകുളത്ത് രണ്ട് കേസും കൊല്ലം, കോട്ടയം ജില്ലകളിൽ ഓരോന്നുമാണ് റിപ്പോർട്ട് ചെയ്തത്. ഇവരാരും തന്നെ ചികിത്സയിലില്ല. ഒരാൾക്ക് പോലും ഗുരുതര വൈറസ് ബാധയുണ്ടായിട്ടില്ല.