സംസ്ഥാനത്ത് ടെസ്റ്റ് പോസിറ്റിവിറ്റി നിരക്ക് കുറയ്ക്കാൻ ആരോഗ്യ വകുപ്പിൻറെ അടിയന്തര ഇടപെടൽ. ആരോഗ്യമന്ത്രി വീണ ജോർജിൻറെ നേതൃത്വത്തിൽ 6 ജില്ലകളിൽ അവലോകന യോഗം ചേർന്നു. പോസിറ്റീവിറ്റി നിരക്ക് കൂടിയ തൃശൂർ, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് എന്നീ ജില്ലകളിലെ ഉദ്യോഗസ്ഥരുടെ യോഗമാണ് മന്ത്രി വിളിച്ചു ചേർത്തത്.മുഖ്യമന്ത്രിയുടെ നിർദേശ പ്രകാരമാണ് യോഗം ചേർന്നത്. ജില്ല കലക്ടർമാരും, ജില്ലാ മെഡിക്കൽ ഓഫിസർമാരും യോഗത്തിൽ പങ്കെടുത്ത് നിലവിലെ സ്ഥിതി വിലയിരുത്തി. പോസിറ്റിവിറ്റി നിരക്ക് നിയന്ത്രിക്കാൻ കർശന നടപടി സ്വീകരിക്കണമെന്ന് മന്ത്രി വീണാ ജോർജ് നിർദേശിച്ചു.