കൊവിഡ് വ്യാപനം ശക്തമാകുന്നതിനിടെ മുക്കം നഗരസഭയിൽ നാല് പേർക്ക് ഡെൽറ്റ വൈറസ് സ്ഥിരീകരിച്ചു. മണാശ്ശേരിയിൽ ഒരു കുടുംബത്തിലെ മൂന്ന് പേർക്കും തോട്ടത്തിൻ കടവ് സ്വദേശിക്കുമാണ് രോഗം സ്ഥിരീകരിച്ചത്. ഇവർക്ക് കഴിഞ്ഞ മാസം 20നാണ് കൊവിഡ് പോസിറ്റീവായത്.കൊവിഡ് സ്ഥിരീകരിച്ച ശേഷം സ്രവ സാംപിൾ വൈറോളജി ലാബിൽ പരിശോധനയ്ക്ക് അയയ്ക്കുകയും ഫലം ഇന്നലെ ലഭിക്കുകയും ചെയ്‌തപ്പോഴാണ് ഡെൽറ്റ വകഭേദമാണെന്ന് സ്ഥിരീകരിച്ചത്.ഇതോടെ കൂടുതൽ പേർക്ക് ഡെൽറ്റ വൈറസ് സ്ഥിരീകരിക്കാനും സാധ്യതയുണ്ട്. ജനങ്ങൾ ജാഗ്രത പാലിക്കണമെന്ന് അധികൃതർ വ്യക്തമാക്കി. എവിടെ നിന്നാണ് ഇവർക്ക് രോഗം പിടിപെട്ടത് എന്നതടക്കമുള്ള കാര്യങ്ങൾ അധികൃതർ പരിശോധിച്ച് വരികയാണ്.