സംസ്ഥാനത്ത്  വിവിധ ജില്ലകളിലായി ഇരുപതിലധികം പേർക്ക ബ്ലാക്ക് ഫംഗസ്  രോഗം സ്ഥിരീകരിച്ചു.ഇതിനിടെ തിരുവനന്തപുരം മെഡിക്കൽ കോളജിൽ ചികിത്സയിലായിരുന്ന ഒരാൾ കഴിഞ്ഞ ദിവസം മരിച്ചു. ചികിത്സയിലായിരുന്ന മല്ലപ്പള്ളി സ്വദേശിനി 32 വയസുകാരി അനീഷയാണ് മരിച്ചത്. തിരുവനന്തപുരം മെഡിക്കൽ കോളജിൽ എട്ട് പേരാണ് ഫംഗസ് ബാധയേ തുടർന്ന് ചികിത്സയിലുള്ളത്. എറണാകുളത്തും അഞ്ചോളം പേർ ചികിത്സയിലുണ്ട്.കോഴിക്കോട് മെഡിക്കൽ കോളജിൽ കഴിഞ്ഞ ദിവസം ഒരാൾക്ക് കൂടി രോഗം സ്ഥിരീകരിച്ചതോടെ നിലവിൽ ചികിത്സയിലുള്ളവരുടെ എണ്ണം എട്ടായി. ഇതിൽ ഒരാൾ ഗുഡല്ലൂർ സ്വദേശിനിയാണ്.കൊവിഡ് രോഗമുക്തരായ പ്രതിരോധ ശേഷി കുറഞ്ഞവരിൽ ബ്ലാക്ക് ഫംഗസ് വ്യാപകമായി പടരാൻ സാധ്യതയുണ്ടെന്ന് ആരോഗ്യവിദഗ്ധർ ചൂണ്ടിക്കാട്ടുന്നു.