ഇന്ത്യയിൽ കൊവിഷീൽഡ് വാക്സിൻ ലഭിച്ചവരിൽ ത്രോംബോബോളിക് (രക്തം കട്ടപിടിക്കൽ) സാധ്യത കൂടുതലെന്ന് പഠനം. ഏപ്രിൽ 3 വരെ ഇന്ത്യയിൽ 7.5 കോടിയിലധികം കൊവിഡ് വാക്സിൻ ഡോസുകൾ നൽകിയതിനെത്തുടർന്ന് ഗുരുതരവും കഠിനവുമായ 700 സംഭവങ്ങളിൽ 498 എണ്ണത്തിന്റെ  അവലോകനത്തിന്റെ അടിസ്ഥാനത്തിലാണ് രോഗപ്രതിരോധ സമിതി ഈ നിഗമനത്തിൽ എത്തിയിരിക്കുന്നത്. ആരോഗ്യ-കുടുംബക്ഷേമ മന്ത്രാലയത്തിന് നൽകിയ റിപ്പോർട്ടിൽ രോഗപ്രതിരോധ കുത്തിവയ്പ്പ് (എ.ഇ.എഫ്.ഐ.) കമ്മിറ്റിയുടെ റിപ്പോർട്ടിലാണ് ഇതുസംബന്ധിച്ച വിവരങ്ങളുള്ളത്. ഏപ്രിൽ 3 വരെ ഇന്ത്യയിൽ 75,435,381 വാക്സിൻ ഡോസുകളാണ്  നൽകി – 68,650,819 ഡോസ് കൊവിഷീൽഡും 6,784,562 ഡോസ് കൊവാക്സിനുമാണ്.ഇതിൽ കൊവിഷീൽഡ് എടുത്തവരിലാണ് രക്തം കട്ടപിടിക്കൽ സാധ്യത കണ്ടെത്തിയിരിക്കുന്നത്.