കോവിഷീൽഡ് വാക്‌സീന്റെ രണ്ടാം ഡോസ് എടുക്കുന്നത് 12-16 ആഴ്ച വരെ ദീർഘിപ്പിക്കാമെന്ന് സർക്കാർ സമിതി അറിയിച്ചു. എന്നാൽ കോവാക്‌സിന്റെ രണ്ടു ഡോസുകൾ എടുക്കുന്നതിനിടയിലെ ഇടവേളയിൽ മാറ്റമില്ല.

കോവിഷീൽഡ് വാക്‌സിന് രാജ്യത്താകെ ക്ഷാമം നേരിടുന്ന ഘട്ടത്തിലാണ് വിദഗ്ധ സർക്കാർ സമിതിയുടെ ഇത്തരത്തിൽ ഒരു റിപ്പോർട്ട്. മൂന്നു മാസത്തിനിടെ ഇത് രണ്ടാം തവണയാണ് കോവിഷീൽഡിന്റെ രണ്ടു ഡോസുകൾ തമ്മിലുള്ള ഇടവേള ദീർഘിപ്പിക്കുന്നത്.ആദ്യ ഡോസിനു ശേഷം 28 ദിവസം കഴിഞ്ഞ് രണ്ടാം ഡോസ് നൽകാനായിരുന്നു ആദ്യ തീരുമാനം. എന്നാൽ പിന്നീട് രാണ്ടാം ടോസ് ആറു മുതൽ എട്ട് ആഴ്ചവരെ ദീർഘിപ്പിച്ചാൽ വാക്‌സീന്റെ കാര്യക്ഷമത വർധിക്കുമെന്ന് അറിയിച്ചിരുന്നു.