വിദേശത്തുനിന്നെത്തുന്നവർക്ക് ആർടിപിസിആർ സൗജന്യമാക്കുമെന്ന് ആരോ​ഗ്യ മന്ത്രി കെകെ ശൈലജ . ഫലം 24 മണിക്കൂറിനുള്ളിൽ ലഭിക്കും. കൊവിഡ് പ്രതിരോധപ്രവർത്തനങ്ങളിൽ കേരളം മെച്ചപ്പെട്ട നിലയിലാണെന്ന്ും മന്ത്രി കൂട്ടിച്ചേർത്തു.  കൊവിഡ് ഇതര രോഗങ്ങൾക്കും കൃത്യമായ ചികിത്സ ഉറപ്പാക്കിയതോടെ കൊവിഡ് മരണങ്ങൾ മാത്രമല്ല മറ്റ് മരണങ്ങളും നിയന്ത്രിക്കാൻ കഴിഞ്ഞതായും അവർ അഭിപ്രായപ്പെട്ടു. മരണനിരക്ക് 0.4 ശതമാനമാണ്. കൊവിഡ് പ്രതിരോധത്തിൽ മാത്രമല്ല മറ്റ് രോഗപ്രതിരോധ പ്രവർത്തനങ്ങളിലും മികച്ച പ്രവർത്തനം കാഴ്ചവയ്ക്കാൻ കേരളത്തിനായെന്നും ആരോഗ്യമന്ത്രി പറഞ്ഞു.
തെരഞ്ഞെടുപ്പ് പ്രചരണ സമയത്തും കൊവിഡ് മാനദണ്ഡം തുടരണമെന്നും.ആരോഗ്യ പ്രവര്‍ത്തകരുടെ ആദ്യ ഡോസ് വാക്‌സിന്‍ 100 ശതമാനം പൂര്‍ത്തിയായെന്നും ആരോഗ്യമന്ത്രി അറിയിച്ചു.