കൊറോണക്കാലത്ത് സംസ്ഥാനത്ത്  പതിനായിരത്തോളം വെജിറ്ററേറിയൻ ഹോട്ടലുകളാണ് പൂട്ടിയതെന്ന് കേരള ഹോട്ടൽ ആൻഡ് റസ്റ്ററന്റ് അസോസിയേഷൻ.  ഇതേ സമയം  ഇരുപത്തയ്യായിരത്തോളം അറേബ്യൻ ഭക്ഷണശാലകൾ തുറന്നു. മലയാളിയുടെ മാറിയ ഈ ഭ​ക്ഷണശീലം  ​ഗുരുതര ആരോ​ഗ്യ പ്രശ്നങ്ങൾക്ക് വഴിതെളിക്കുമെന്നാണ്  ആരോ​ഗ്യ വിദ​ഗ്ദർ അഭിപ്രായപ്പെടുന്നത്. അറേബ്യൻ ഭക്ഷണശാലകളിൽ മാത്രം യഥേഷ്ടം ലഭിക്കുന്ന സ്മോക്ക്ഡ് ചിക്കൻ വിഭവങ്ങൾ സ്ഥിരമായി കഴിക്കുന്നവരെ കാത്തിരിക്കുന്നത് . കുടൽ- മലാശയ കാൻസർ പോലെയുള്ള മാരക രോ​ഗങ്ങളാണെന്ന്  പ്രമുഖ ​ സർജിക്കൽ‍ ഗ്യാസ്ട്രോ  എൻറോളജിസ്റ്റും കാൻസർ ശസ്ത്രക്രിയ വിദ​ഗ്ദനുമായ പ്രൊഫ. ഡോ. ബൈജു സേനാഥിപൻ പറഞ്ഞു .  12 ലക്ഷത്തിന് മുകളിൽ വാർഷിക വിറ്റുവരവെങ്കിൽ മാത്രം ലൈസൻസ് മതി എന്ന ഒറ്റക്കാര്യം കൊണ്ടാണ് നാട്ടിൻപുറങ്ങളിൽ പോലും കൂണുകൾ പോലെ ഷവർമ-അൽഫാം-കുഴിമന്തിക്കടകൾ മുളച്ചുപൊങ്ങുന്നത്. ഇത്തരം ലൈസൻസുള്ള കടകൾ മാത്രം കേരളത്തിൽ 25,000ത്തിൽ അധികമുണ്ട്. ഇത് കഴിഞ്ഞ 6,7 മാസത്തെ കണക്ക് മാത്രമാണ്. ലൈസൻസ് ഇല്ലാത്തവയും കൂടി കണക്കിലെടുത്താൽ എണ്ണം ഇതിന്റെ പതിന്മടങ്ങ് വരും . സന്ധ്യയായാൽ ഹോട്ടലുകൾക്ക് മുന്നിൽ നിന്നുയരുന്ന തീ കനലും പുകയും കണ്ട് വെള്ളമിറക്കേണ്ട.   ഇത്തരം ഭക്ഷണം സ്ഥിരമായി കഴിക്കുന്നവരെ ​ഗുരുതരമായ  ഉദര കാൻസർ കാത്തിരുപ്പുണ്ടെന്ന് ഈ കാൻസർ ദിനത്തിൽ ഓർമപ്പെടുത്തട്ടെ ...