എറണാകുളം ജില്ലയിൽ ഷിഗല്ല രോഗലക്ഷണങ്ങളോടെ  രണ്ടുപേർ നിരീക്ഷണത്തിൽ. ഇതിന്റെ അടിസ്ഥാനത്തിൽ ജില്ലാ ഭരണകൂടെ ഇന്നലെ അടിയന്തര യോഗം ചേർന്നിരുന്നു. ലക്ഷണങ്ങളുള്ള മറ്റുള്ളവരെ പരിശോധനയ്ക്ക് വിധേയമാക്കാൻ ജാഗ്രതാ നിർദേശം നൽകി.കഴിഞ്ഞ ദിവസമാണ് ചോറ്റാനിക്കരയിൽ 56കാരിയ്ക്ക് ഷിഗല്ല രോഗം സ്ഥിരീകരിച്ചത്. നിലവിൽ കൊച്ചിയിലെ സ്വകാര്യ ആശുപത്രിയിൽ ചികിത്സയിലാണിവർ. ചോറ്റാനിക്കരയിലും പരിസര പ്രദേശങ്ങളിലും ആരോഗ്യ വകുപ്പിന്റെ കർശന പരിശോധനകൾ ഉണ്ടായിരിക്കും. രോഗ ഉറവിടം കണ്ടെത്തുന്നതിനുള്ള ശ്രമങ്ങൾ ആരോഗ്യ വകുപ്പിന്റെ ഭാഗത്ത് നിന്ന് നടന്നു വരികയാണ്. മാത്രമല്ല, പനി, വയറിളക്കം തുടങ്ങിയ രോഗലക്ഷണങ്ങൾ പ്രകടിപ്പിക്കുന്നവരെ ഷിഗല്ല പരിശോധയ്ക്ക് വിധേയമാക്കണമെന്ന് സ്വകാര്യ ആശുപത്രികൾക്കും സ്വകാര്യ ആശുപത്രികൾക്കും കർശന നിർദേശം നൽകിയിട്ടുണ്ട്.