റഷ്യയിൽ കൊവിഡ് വാക്സിൻ  വിതരണം  അടുത്തയാഴ്ച മുതൽ ആരംഭിക്കുമെന്ന്  പ്രസിഡന്റ് വ്ളാദിമിർ പുട്ടിൻ. ഇതിന്റെ ഭാഗമായി സ്പുട്നിക് 5 വാക്സിന്റെ 20 ലക്ഷം ഡോസുകൾ രാജ്യത്ത് നിർമിച്ചു കഴിഞ്ഞതായും പുട്ടിൻ വ്യക്തമാക്കി. സ്പുട്നിക് 5 വാക്സിൻ 95 ശതമാനം ഫലപ്രദമാണെന്ന് ഇടക്കാല പരീക്ഷണ ഫലങ്ങൾ തെളിയിക്കുന്നതായി റഷ്യ മുൻപ് അവകാശപ്പെട്ടിരുന്നു. ഈ പശ്ചാത്തലത്തിലാണ് വാക്സിൻ വിതരണം നടത്താൻ തുടങ്ങുന്നത്. ആദ്യ ഘട്ടത്തിൽ ഡോക്ടർമാർക്കും അധ്യാപകർക്കുമാവും വാക്സിൻ നൽകുക.  റഷ്യൻ പൗരന്മാർക്ക് സൗജന്യമായാവും വാക്സിൻ നൽകുകയെന്നാണ് സൂചന.സ്പുട്നിക് 5 വാക്സിന്റെ രണ്ടും മൂന്നും ഘട്ട പരീക്ഷണങ്ങൾ ഇന്ത്യയിൽ അനുമതിയോടെ ആരംഭിക്കുമെന്നും പുട്ടിൻ പ്രഖ്യാപിച്ചു.