ഗവ. മെഡിക്കൽ കോളേജ് ആശുപത്രി സൂപ്രണ്ടും ന്യൂറോ സർജറി വിഭാഗം അഡീഷണൽ പ്രൊഫസറുമായ ഡോ എം എസ് ഷർമ്മദിന് കേരള യൂണിവേഴ്സിറ്റിയിൽ നിന്നും മെഡിസിൻ വിഭാഗത്തിൽ പി എച്ച് ഡി ലഭിച്ചു. 'മസ്തിഷ്ക ക്ഷതം സംഭവിച്ച രോഗികളുടെ പരിണിത ഫലം നിർണ്ണയിക്കുന്നതിലെ ഘടകങ്ങൾ ' എന്ന വിഷയത്തെ ആസ്പദമാക്കി മെഡിക്കൽ കോളേജിലെ റിട്ടയേർഡ് പ്രൊഫസറായ ഡോ. രാജ് മോഹനന്റെ കീഴിലായിരുന്ന പഠനം. കേരളാ യൂണിവേഴ്സിറ്റിയിൽ നിന്നും ന്യൂറോ സർജറിയിൽ പി എച്ച് ഡി നേടുന്ന ആദ്യത്തെ വ്യക്തി കൂടിയാണ് കഴക്കൂട്ടം ആറ്റിൻകുഴി ഷാദി മൻസിലിൽ പരേതരായ ഇ എം ഹനീഫയുടെയും സുബർഹാൻ ബീവിയുടെയും മകനായ ഡോ എം എസ് ഷർമ്മദ്. കെ ജി ഒ എ സംസ്ഥാന കമ്മറ്റിയംഗമാണ്. എസ് എ ടി ആശുപത്രിയിലെ ഒബ്സ്റ്റസ്ട്രിക്സ് ആന്റ് ഗൈനക്കോളജി വിഭാഗം അഡീഷണൽ പ്രൊഫസർ ഡോ റ്റാനിയ സലിം ഭാര്യയാണ്.