ഇന്ത്യയിലെ ആദ്യ വനിതാ ഡിജിപി കാഞ്ചൻ ചൗധരി ഭട്ടാചാര്യ (72 ) അന്തരിച്ചു. തിങ്കളാഴ്ച വൈകിട്ടോടെ ആയിരുന്നു അന്ത്യം. വിവിധ അസുഖങ്ങളെ തുടർന്ന് കഴിഞ്ഞ 6 മാസമായി മുംബൈയിലെ ആശുപത്രിയിൽ ചികിത്സയിലായിരുന്നു. ഇന്ത്യയിലെ രണ്ടാമത്തെ ഐപിഎസ് ഉദ്യോഗസ്ഥ ആണ് കാഞ്ചൻ ചൗധരി. 1973 ബാച്ച് ഐ പി എസ് ഉദ്യോഗസ്ഥ ആയിരുന്ന ഇവർ 2004 ലാണ് ഇന്ത്യയുടെ ആദ്യ വനിതാ ഡിജിപി ആയി ഉത്തരാഖണ്ഡിൽ നിയമിതയാകുന്നത്. 2007 ൽ സർവീസിൽ നിന്നും വിരമിച്ച കാഞ്ചൻ പിന്നീട് ആം ആദ്മി പാർട്ടിയിൽ ചേർന്നു.2014 ലെ തിരഞ്ഞെടുപ്പിൽ പാർട്ടി ടിക്കറ്റിൽ മത്സരിച്ചെങ്കിലും വിജയിക്കാനായില്ല.