മുഖസൗന്ദര്യം വര്‍ദ്ധിപ്പിക്കുന്ന പ്രകൃതിദത്ത മാര്‍ഗങ്ങളില്‍ പ്രധാനമാണ് ചന്ദനം ഉപയോഗിച്ചുള്ള ചര്‍മ്മസംരക്ഷണം. സൗന്ദര്യ വര്‍ദ്ധനവിനു മാത്രമല്ല, ചര്‍മ്മരോഗങ്ങളെ ചെറുക്കാനും മികച്ചതാണ് ചന്ദനം. യഥാര്‍ത്ഥത്തില്‍ ഉള്ളതിനേക്കാള്‍ പ്രായം നിങ്ങളുടെ ചര്‍മ്മം കണ്ടാല്‍ തോന്നുന്നെങ്കില്‍ ചന്ദനലേപനത്തിന് സമയമായി.

മുഖക്കുരുവും പാടുകളും:
മുഖക്കുരു, മുഖത്തെ പാടുകള്‍, തടിപ്പ്, മൊരിച്ചില്‍ എന്നിവ മാറ്റാന്‍ ചന്ദനം അരച്ച് പുരട്ടുക. പാടുകളും കരിവാളിപ്പും മാറി, ചര്‍മ്മത്തിന് നിറവും തിളക്കവും കിട്ടും. 

കുളിര്‍മയ്ക്കും ക്ഷീണം അകലാനും: 
ക്ഷീണമകറ്റി ചര്‍മ്മത്തിന് കുളിര്‍മ ലഭിക്കാനും സൂര്യപ്രകാശമേറ്റുള്ള അലര്‍ജി, കരിവാളിപ്പ് എന്നിവ അകറ്റാനും ചന്ദനം അരച്ചോ പനിനീരില്‍ ചാലിച്ചോ പുരട്ടുക. 

മുഖത്തെ ചൊറിച്ചിലിന്:
മുഖത്തുണ്ടാകുന്ന ചൊറിച്ചിലിന് ഒരു ടീസ്പൂണ്‍ ചെറുനാരങ്ങാ നീരില്‍ ചന്ദനവും മഞ്ഞളും ചേര്‍ത്ത് കുഴച്ച് ലേപനമാക്കി പുരട്ടി 30 മിനിട്ടിന് ശേഷം കഴുകിക്കളയുക. 

കറുപ്പു നിറം മാറാന്‍: 
രണ്ട് ടീസ്പൂണ്‍ ബദാം ഓയിലും അഞ്ച് ടീസ്പൂണ്‍ ചന്ദനപ്പൊടിയും യോജിപ്പിച്ച് പുരട്ടിയാല്‍ മുഖത്ത് കറുപ്പുനിറം പടരുന്നത് മാറും.