പുല്‍പ്പള്ളി ബസവന്‍കൊല്ലിയില്‍ ആദിവാസി യുവാവിനെ കടുവ ആക്രമിച്ചു കൊന്നു. ബസവന്‍കൊല്ലി കോളനിയിലെ മാധവന്റെ മകന്‍ ശിവകുമാറിനെ(24)യാണ് കടുവ പിടികൂടിയത്.

വയനാട്​ പുൽപ്പള്ളി കാര്യം പാതിക്കടുത്ത്​ വനത്തിലാണ്​ സംഭവം. ശിവകുമാറിനെ ഇന്നലെ മുതൽ കാണാതായിരുന്നു. തുടർന്ന്​ രാവിലെ വനം വകുപ്പ്​ ഉദ്യോഗസ്​ഥരും പൊലീസും നാട്ടുകാരും ​ചേർന്ന് നടത്തിയ തിരച്ചിലിൽ ശരീരം വലിച്ചുകൊണ്ടുപോയ അടയാളം തിരിച്ചറിഞ്ഞു. പിന്നീട്​ ഉൾവനത്തിൽ നടത്തിയ തിരച്ചിലിൽ ശരീരാവശിഷ്​ടങ്ങൾ കണ്ടെത്തുകയായിരുന്നു.