ഓൺലൈൻ ക്ലാസ്സുകളിൽ പങ്കെടുക്കാനായി കുട്ടികൾക്ക് വ്യാപകമായി ഇന്റർനെറ്റ് നൽകാനുള്ള നീക്കവുമായി റിലയൻസ് ജിയോ. പരമാവധി സ്ഥലങ്ങളിലേക്ക് ഇന്റർനെറ്റ് സേവനം എത്തിക്കുമെന്നും ജിയോ ടിവിയിലൂടെ കൈറ്റ് വിക്ടേഴ്‌സ് ചാനൽ ലഭ്യമാക്കുമെന്നും ജിയോ അധികൃതർ അറിയിച്ചു. കേരള ഇൻഫ്രാസ്ട്രക്ചർ ആൻഡ് ടെക്നോളജി ഫോർ എജ്യൂക്കേഷനും സംസ്ഥാന സർക്കാരും സംയുക്തമായി അഭ്യർത്ഥിച്ചതിനെ തുടർന്നാണ് ജിയോയുടെ നടപടി. കുട്ടികൾ ഈ ദുരിത കാലത്ത് ബുദ്ധിമുട്ടരുതെന്നതാണ് തങ്ങളുടെ താൽപര്യമെന്നും ജിയോ വ്യക്തമാക്കി. കേരളത്തിലെ 92 ലക്ഷം ജിയോമൊബൈൽ ഉപഭോക്താക്കൾക്ക് ടി.വി ഇല്ലാതെ തന്നെ ഇനി വിക്ടേഴ്സ് ചാനൽ കാണാം. ഈ സേവനം പൂർണ്ണമായും സൗജന്യമായിരിക്കുമെന്നും ജിയോ പ്രഖ്യാപിച്ചു. ഇന്റർനെറ്റില്ലാതെ കുട്ടികൾ പുരപ്പുറത്ത് കയറിയിരുന്ന് പഠിക്കുന്ന കാഴ്ച വൈറൽ ആയതോടെയാണ് ജിയോ ഹൈ സ്പീഡ് ഇന്റർനെറ്റ് കുട്ടികൾക്ക് നല്കാൻ തീരുമാനമെടുത്തത്.