ചരക്ക് ട്രെയിനിന് മുകളില്‍ കയറി നിന്ന് 'ടിക്ടോക്' വീഡിയോ ചിത്രീകരിക്കുന്നതിനിടെ യുവാവിന് വൈദ്യുതാഘാതമേറ്റു. ബെംഗളൂരുവിലെ കെ.എസ്.ആര്‍ റെയില്‍വേ സ്റ്റേഷനിലാണ് ഇരുപത്തിരണ്ടുകാരനായ യുവാവിന് ഷോക്കേറ്റത്.

മൈസൂരുല്‍നിന്നെത്തിയ ചരക്കുതീവണ്ടിയുടെ മുകളില്‍ക്കയറി നിന്ന് ടിക് ടോക് വീഡിയോ എടുക്കുന്നതിനിടെ ആണ് മുകളിലൂടെ പോകുന്ന ഹൈടെന്‍ഷന്‍ വൈദ്യുതികമ്പിയിൽ തട്ടുകയായിരുന്നു. ഉടന്‍ തന്നെ യുവാവ് താഴേക്ക് തെറിച്ചുവീഴുകയും ഉണ്ടായി. സംഭവം ശ്രദ്ധയില്‍പ്പെട്ട റെയില്‍വേ ജീവനക്കാര്‍ യുവാവിനെ ഉടൻ ആശുപത്രിയിലെത്തിച്ചു. ഇയാളുടെ നില ഗുരുതരമല്ലെന്നാണ് ആശുപത്രി അധികൃതര്‍ വ്യക്തമാക്കുന്നത്.