പൂട്ടിക്കിടക്കുന്ന 305 കശുവണ്ടി ഫാക്ടറികളിലെ തൊഴിലാളികള്‍ക്ക് ഇത്തവണ ഓണത്തിന് രണ്ടായിരം രൂപ നിരക്കില്‍ എക്‌സ്‌ഗ്രേഷ്യ അനുവദിക്കാന്‍ സര്‍ക്കാര്‍ തീരുമാനിച്ചു. 30,911 തൊഴിലാളികള്‍ക്ക് ഇതിന്റെ പ്രയോജനം ലഭിക്കും. ഒരു വര്‍ഷത്തിലധികമായി പൂട്ടിക്കിടക്കുന്ന സ്വകാര്യ- പൊതുമേഖലാ സ്ഥാപനങ്ങള്‍, കയര്‍ സ്ഥാപനങ്ങള്‍, തോട്ടങ്ങള്‍ എന്നിവിടങ്ങളിലെ തൊഴിലാളികള്‍ക്ക് ഓണത്തിന് ധനസഹായം നല്‍കുന്നതിനും തുക അനുവദിച്ചിട്ടുണ്ട്. ഒരു തൊഴിലാളിക്ക് 2000 രൂപ നിരക്കില്‍ 11,333 തൊഴിലാളികള്‍ക്കാണ് ആനുകൂല്യം ലഭിക്കുക. ഇതിനായി 2.26 കോടി രൂപ അനുവദിച്ചു.