എഴുപത്തി മൂന്നാം സ്വാതന്ത്ര്യദിനത്തിനു മുന്നോടിയായി ലോകമെമ്പാടുമുള്ള മലയാളികള്‍ക്ക് ഗവര്‍ണര്‍ പി. സദാശിവം ആശംസകള്‍ നേര്‍ന്നു. ജനാധിപത്യത്തിന്റെ ഏറ്റവും ഉദാത്തമായ മാതൃക ഉയര്‍ത്തിപ്പിടിക്കാനും സ്വാതന്ത്ര്യ സമര പോരാട്ടത്തില്‍ ജീവന്‍ ബലിയര്‍പ്പിച്ചവരെ നന്ദിയോടെ സ്മരിക്കാനുമുള്ള സന്ദര്‍ഭമാണ് ഇതെന്ന് ഗവര്‍ണര്‍ ആശംസാ സന്ദേശത്തില്‍ പറഞ്ഞു. സ്വാതന്ത്ര്യത്തിന്റെയും സാര്‍വത്രിക ശാക്തീകരണത്തിന്റെയും പ്രഭാവം ജനങ്ങള്‍ക്ക് അനുഭവവേദ്യമാക്കിക്കൊണ്ട്  നവഭാരതസൃഷ്ടിക്കായി ഒരുമിച്ചു പ്രവര്‍ത്തിക്കാമെന്നും ഗവര്‍ണര്‍ പറഞ്ഞു