ലോക്ക് ഡൗണിനെ തുടർന്ന് കേരളത്തിൽ കുടുങ്ങിയ യു.കെ പൗരന്മാരെ തിരികെ നാട്ടിലേക്ക് അയച്ചു. കേരളം,തമിഴ്‌നാട് എന്നിവിടങ്ങളിൽ നിന്നുള്ള വിദേശ സഞ്ചാരികളെ തിരുവനന്തപുരത്ത് എത്തിക്കുകയായിരുന്നു. ഇന്നലെ വൈകിട്ട് തിരുവനന്തപുരത്തെ വിമാനത്താവളത്തിൽ നിന്നും 110 യാത്രക്കാരുമായാണ് ബ്രിട്ടീഷ് എയർവേയ്‌സിന്റെ വിമാനം യാത്ര പുറപ്പെട്ടത്.

ബഹ്‌റൈനിൽ നിന്നും തിരുവനന്തപുരത്ത് എത്തിയ വിമാനം കൊച്ചിയിൽ നിന്നുള്ള 158 യാത്രക്കാരെ കൂടെ കയറ്റിയാണ് ലണ്ടനിലേക്ക് പറന്നത്. ചെന്നൈയിലെ യു.കെ കോൺസുലേറ്റിൽ നിന്നുള്ള ഉദ്യോഗസ്ഥർ ഇതിനു നേതൃത്വം നൽകിയിരുന്നു.

ലോക്ക് ഡൗൺ സാഹചര്യത്തിൽ കേരളത്തിൽ കുടുങ്ങിയ വിദേശികൾക്ക് കേരള ടൂറിസം വകുപ്പ് പ്രത്യേക താമസ സൗകര്യവും,ഭക്ഷണവും ഏർപ്പെടുത്തിയിരുന്നതായി ടുറിസം വകുപ്പ് സെക്രട്ടറി റാണി ജോർജ് പറഞ്ഞു.