കോവിഡ്- 19  ബാധിച്ച്  കണ്ണൂര്‍ പരിയാരം  മെഡിക്കല്‍ കോളേജ് ആശുപത്രിയിൽ ചികിത്സയിൽ ഇരിക്കെ മരണമടഞ്ഞ  മാഹി ,ചെറുകല്ലായി സ്വദേശി  മെഹറൂഫിന്റെ മൃതദേഹം സംസ്‌ക്കരിച്ചു. ഇക്കഴിഞ്ഞ 11 -നു  രാവിലെ 7 .30 നാണു  മരണമടഞ്ഞത്. കോവിഡ്- 19 ബാധിക്കുന്നതിനു  മുമ്പുതന്നെ ഇദ്ദേഹം ബി.പി ,കിഡ്‌നി,ഹൃദയസംബന്ധമായ അസുഖങ്ങൾക്ക്   ചികിത്സയിലായിരുന്നു എന്ന് ആശുപത്രി അധികൃതർ അറിയിച്ചു .

 മൃതദേഹം വൈകിട്ട് അഞ്ചരയോടുകൂടി  പരിയാരം അംശം  കോരൻപീടിക ജുമാ മസ്ജിദിനു  കീഴിലുളള ദാറുൽ ഹുദാ ഇംഗ്ലിഷ് മീഡിയം സ്കൂളിനു സമീപത്തുള്ള ഖബർസ്ഥാനിൽ എത്തിച്ച് ആറുമണിയോടെ  അടക്കം ചെയ്തു. ലോകാരോഗ്യ സംഘടന നിഷ്കർഷിക്കുന്ന  പ്രോട്ടോക്കോള്‍ കർശനമായി പാലിച്ചുകൊണ്ടാണ് മൃതദേഹം മറവ് ചെയ്തത്.