കോവിഡ് മഹാമാരി മൂലം ഒരുപാട് ജീവനുകൾ പൊലിഞ്ഞ സാഹചര്യത്തിൽ സൗഖ്യവും സമാധാനവും ലോകത്തേക്ക് തിരിച്ച് കൊണ്ടുവരേണമേ എന്ന പ്രാർത്ഥനയാണ് ക്രിസ്തുവിന്റെ ഉയിർത്തെഴുന്നേൽപ്പ് ഓർമ്മിപ്പിക്കുന്ന ഈ ഈസ്റ്റർ ദിനത്തിൽ എല്ലാവരുടെയും മനസ്സിൽ. രോഗഭീതി വിട്ട് ജനതയും ഉയിർത്തെഴുനേൽക്കും എന്ന് തന്നെയാണ് ഈസ്റ്റർ ദിനത്തിൽ ഓരോ ആളുകളുടെയും പ്രതീക്ഷ. ഈ ദിനം പ്രതീക്ഷയുടേതാകട്ടെ എന്ന് കേരളം ഗവർണ്ണർ ആരിഫ് മുഹമ്മദ് ഖാൻ ആശംസിച്ചു. 
"ക്രിസ്തുവിന്റെ ഉയര്‍ത്തെഴുന്നേല്‍പ്പിന്റെ സ്മരണയുണര്‍ത്തുന്ന ഈസ്റ്റര്‍ സമാധാനവും സമാധാനവും അനുകമ്പയുമേകി മനസ്സിനെ സമ്പന്നമാക്കട്ടെ.ഈസ്റ്റര്‍ വേളയിലെ സ്നേഹവും ഒരുമയും സുരക്ഷിതവും ആരോഗ്യപൂര്‍ണവുമായ ലോകം ഉറപ്പാക്കാനുള്ള നമ്മുടെ ശ്രമങ്ങള്‍ക്ക് ഊര്‍ജം പകരുമാറാകട്ടെ" - ഗവര്‍ണര്‍ ആശംസിച്ചു.