സർക്കാരും രാഷ്ട്രീയ നേതാക്കളും സിനിമ പ്രവർത്തകരും കോവിഡ് മഹാമാരി പടരുന്ന ഘട്ടത്തിൽ ആരോഗ്യപ്രവർത്തകരെ വാനോളം പുകഴ്ത്തിയിരുന്നു. അഭിനന്ദനം ചൊരിയാനല്ലാതെ ഇവരുടെ സുരക്ഷിതത്വതത്തെ പറ്റി അധികമാരും അന്വേഷിക്കാറില്ല. കോവിഡ് മഹാമാരി അതിവേഗം പടർന്ന് പിടിക്കുന്ന ഡൽഹിയിൽ ഓരോ 25 കോവിഡ് രോഗികളിലും ഒരാൾ ആരോഗ്യപ്രവർത്തകൻ ആണെന്ന ഏറ്റവും പുതിയ പഠനഫലം സൂചിപ്പിക്കുന്നത് ഇന്ത്യയിലെ ആരോഗ്യപ്രവർത്തകരുടെ കാര്യത്തിലുള്ള സുരക്ഷാ വീഴ്ചയെയാണ്. 
സർക്കാരിന്റെ ആരോഗ്യവകുപ്പ് തന്നെ നടത്തിയ വിവരശേഖരണത്തിലാണ് ഇക്കാര്യം വെളിവായത്. ഡൽഹിയിൽ ഇതുവരെ 1069 കോവിഡ് കേസുകളാണ് സ്ഥിരീകരിച്ചിരിക്കുന്നത്. നഗരത്തിൽ നിലവിൽ 400 ഓളം ആരോഗ്യപ്രവർത്തകരാണ് നിരീക്ഷണത്തിലുള്ളത്. കോവിഡ് പോരാട്ടത്തിനിടയിൽ 42 ഡോക്ടർമാർ തന്റെ ജീവിതം ബലി നൽകി. PPE ഗിയർ, മാസ്ക് , ഗ്ലൗസ് മുതലായവയുടെ അഭാവം പല ആരോഗ്യപ്രവർത്തകരും ചൂണ്ടിക്കാട്ടിയിരുന്നു. മിക്കവാറും സ്റ്റാഫുകൾക്ക് രോഗം സ്ഥിരീകരിച്ചതോടെ ഡൽഹിയിലെ സ്റ്റേറ്റ് കാൻസർ ഇൻസ്റ്റിറ്റ്യൂട്ട് താത്കാലികമായി അടച്ച് പൂട്ടിയിരുന്നു.