തിരുവനന്തപുരത്ത് നിന്ന് 206 മാലിദ്വീപ് സ്വദേശികളെ തിരികെ നാട്ടിലേയ്ക്ക് അയച്ചു. തിരുവനന്തപുരം അന്താരാഷ്ട്ര വിമാനത്താവളത്തിൽ നിന്ന് എയർ മാലിദ്വീവ്സിൻ്റെ  രണ്ട് വിമാനങ്ങളിലായാണ് ഇവരെ യാത്ര അയച്ചത്. ശനിയാഴ്ച്ച രാവിലെ 10:20 ന് തിരിച്ച ആദ്യ വിമാനത്തിൽ 51 പേരും 12:40 ന് തിരിച്ച രണ്ടാമത്തെ വിമാനത്തിൽ 155 പേരുമാണ് സ്വദേശത്തേയ്ക്ക് മടങ്ങിയത്. 

നാല് ഡോക്ടർമാരും ആറ് ആരോഗ്യ പ്രവർത്തകരും അടങ്ങുന്ന  മെഡിക്കൽ സംഘം  വിമാനത്താവളത്തിൽ വച്ച്  യാത്രക്കാരെ സ്ക്രീൻ ചെയ്യുകയുണ്ടായി. തെർമൽ സ്ക്രീനിംഗിൽ ആർക്കും തന്നെ പ്രകടമായ രോഗലക്ഷണങ്ങൾ ഒന്നും ഇല്ലായിരുന്നു . കൂടാതെ ഇവരുടെ പേരും മറ്റു വിവരങ്ങളും ശേഖരിച്ചിട്ടുമുണ്ട്. കൈക്കുഞ്ഞുങ്ങൾ മുതൽ വയോധികർ വരെ സംഘത്തിൽ ഉണ്ടായിരുന്നു. ചികിത്സ പോലുള്ള  വിവിധ ആവശ്യങ്ങൾക്കായി ജില്ലയിൽ എത്തിയവരാണ് എല്ലാവരും. വിമാനത്താവള അധികൃതർ, സി.ഐ എസ്.എഫ് ഉദ്യോഗസ്ഥർ ,മാലിദ്വീപ് കോൺസ്റ്റുലേറ്റ് ഉദ്യോഗസ്ഥരും സന്നിഹിതരായിരുന്നു.