രാജ്യത്ത് കൊറോണ പ്രതിരോധ പ്രവർത്തനങ്ങൾക്കായി ബിസിസിഐ 51 കോടി രൂപ ധനസഹായം നൽകുമെന്ന് ബിസിസിഐ. പ്രധാനമന്ത്രിയുടെ ദുരിതാശ്വാസ നിധിയിലേക്കാണ് തുക നൽകുകയെന്ന്  ബിസിസിഐ അധ്യക്ഷൻ സൗരവ് ഗാംഗുലിയും സെക്രട്ടറി ജയ് ഷായും അറിയിച്ചു. കൂടാതെ വൈറസ് ബാധക്കെതിരായ പോരാട്ടങ്ങളിൽ കേന്ദ്ര സർക്കാരിനൊപ്പം ചേർന്ന് പ്രവർത്തിക്കുമെന്നും ബിസിസിഐ വ്യക്തമാക്കി. 

കൊറോണയ്‌ക്കെതിരായ പോരാട്ടത്തിന് ഇതിഹാസ താരം സച്ചിൻ തെൻഡുൽക്കർ 50 ലക്ഷം രൂപ ധനസഹായം നൽകിയിരുന്നു. മുഖ്യമന്ത്രിയുടെ ദുരിതാശ്വാസ നിധിയിലേക്ക് 25 ലക്ഷവും, മുഖ്യമന്ത്രിയുടെ ദുരിതാശ്വാസ നിധിയിലേക്ക് 25 ലക്ഷവുമാണ് നൽകിയിരിക്കുന്നത്. ഇർഫാൻ പഠാനും യുസുഫ് പഠാനും ബറോഡ പൊലീസിന് 4000 മാസ്‌ക്കുകൾ വിതരണം ചെയ്തിരുന്നു. ബിസിസിഐ അധ്യക്ഷൻ സൗരവ് ഗാംഗുലി 50 ലക്ഷം രൂപയും ഇന്ത്യൻ താരം സുരേഷ് റെയ്ന 52 ലക്ഷം രൂപയും നൽകിയിരുന്നു.