ഹെൽമെറ്റ് വെക്കാത്തതിന്റെ പേരിൽ നഗരസഭാ ചെയർപേഴ്‌സന്‌ പിഴ ഈടാക്കിയതിന്റെ തൊട്ടടുത്ത ദിവസം പോലീസുകാർക്ക് ഭക്ഷണം പാകം ചെയ്യാറുള്ള ക്യാന്റീൻ അടപ്പിക്കാൻ ശ്രമിച്ച് പകരം വീട്ടി നഗരസഭാ അധികൃതർ. താൽകാലിക ലൈസൻസ് ഇല്ലെന്ന പേരിൽ കാന്റീൻ അടപ്പിക്കാൻ ശ്രമിച്ച നഗരസഭാ ജീവനക്കാരെ പോലീസ് അറസ്റ്റ് ചെയ്തു. കായംകുളം നഗരസഭാ പരിധിയ്ക്കുള്ളിലാണ് നാടകീയ സംഭവങ്ങൾ അരങ്ങേറിയത്. 
കൊറോണ രോഗപ്രതിരോധത്തിന്റെ ഭാഗമായി ഭക്ഷണം വിളമ്പരുതെന്ന ഉത്തരവ് നിലനിൽക്കുമ്പോൾ തന്നെ യാതൊരു തടസങ്ങളുമില്ലാതെയാണ് കാന്റീൻ പ്രവർത്തിച്ച് വന്നിരുന്നത്. പരാതി ലഭിച്ചാൽ അന്വേഷിക്കാനുള്ള ഉത്തരവാദിത്വം തനിക്കുണ്ടെന്ന്  നഗരസഭാ ചെയർമാൻ എൻ ശിവദാസൻ വ്യക്തമാക്കി. അറസ്റ്റ് ചെയ്ത നഗരസഭാ ജീവനക്കാരെ ജാമ്യത്തിൽ വിട്ടയച്ചു.