കോവിഡ് പ്രതിരോധത്തിന്റെ ഭാഗമായി ട്രെയിനുകളിലും ഐസൊലേഷൻ വാർഡുകൾ സജ്ജീകരിച്ച് റെയിൽവേ.രാജ്യത്ത് കൊറോണ വൈറസ് ബാധിതരുടെ എണ്ണം ദിനംപ്രതി വർദ്ധിച്ചുവരുന്ന സാഹചര്യത്തിലാണ് ട്രെയിനുകളിലും ഐസൊലേഷൻ വാർഡുകൾ സജ്ജീകരിക്കാൻ അധികൃതർ തീരുമാനിച്ചത് .

പേഷ്യന്റ് ക്യാബിൻ എന്നാണ് ഇവ അറിയപ്പെടുന്നത്. കോച്ചിലുള്ള ടോയിലറ്റുകളും ഐസൊലേഷൻ  കോച്ചിന് വേണ്ടി സജജ്ജീകരിക്കും.  റയിൽവെ മന്ത്രി പീയൂഷ് ഗോയലിന്റെ നേതൃത്വത്തിൽ ചേർന്ന യോഗത്തിലാണ് ഇത് സംബന്ധിച്ച തീരുമാനമുണ്ടായത്.

നിലവിൽ 13523 യാത്രാ തീവണ്ടികളാണ്  റെയിൽവെയിലുള്ളത് . രാജ്യത്ത് ലോക്ക്ഡൗൺ പ്രഖ്യാപിച്ച സാഹചര്യത്തിൽ ചരക്ക്  തീവണ്ടികളൊഴിച്ച് ബാക്കി സർവീസുകളെല്ലാം നിർത്തിവച്ചിരിക്കുകയാണ്. പ്രതിരോധപ്രവർത്തനങ്ങൾ വിലയിരുത്താൻ പ്രധാനമന്ത്രിയുടെ അധ്യക്ഷതയിൽ ചേർന്ന യോഗത്തിൽ ഇത് സംബന്ധിച്ച ചർച്ച നടന്നിരുന്നു. തുടർന്നാണ് റെയിൽവേ ഈ നടപടിയിലേക്ക് തിരിഞ്ഞത്.