രാജ്യത്ത് കോവിഡ് 19 നെ തടയാനുള്ള പ്രതിരോധ പ്രവർത്തങ്ങൾക്ക് പത്തു ലക്ഷം രൂപ സംഭാവന ചെയ്ത് ഇന്ത്യൻ ബാഡ്മിന്റൺ താരം പി വി സിന്ധു.ആന്ധ്രപ്രദേശ് , തെലങ്കാന മുഖ്യമന്ത്രിമാരുടെ ദുരിതാശ്വാസ നിധിയിലേക്കാണ് 5 ലക്ഷം രൂപ വീതം സിന്ധു സംഭാവന ചെയ്തിരിക്കുന്നത് . പി വി സിന്ധുവിന് പുറമെ ദക്ഷിണേന്ത്യൻ സൂപ്പർ സ്റ്റാർ പവൻ കല്യാണും പ്രതിരോധ പ്രവർത്തനങ്ങൾക്കായി   2 കോടി രൂപ സംഭാവന ചെയ്തിരുന്നു. പ്രധാനമന്ത്രിയുടെ ദുരിതാശ്വാസ നിധിയിലേക്ക് 1 കോടി രൂപയും ആന്ധ്രാ - തെലങ്കാന മുഖ്യമന്ത്രിമാരുടെ ദുരിതാശ്വാസ നിധിയിലേക്ക് 50 ലക്ഷം രൂപ വീതവുമാണ് അദ്ദേഹം  സംഭാവന ചെയ്തത് .

അതേസമയം, രാജ്യത്ത് ലോക്ക്ഡൗൺ പ്രഖ്യാപിച്ചതിനാൽ ഒൻപത് കുടുംബങ്ങൾക്ക് ഭക്ഷണം നൽകാൻ ധനികരോട് പ്രധാനമന്ത്രി ആഹ്വാനം ചെയ്തിരുന്നു. ചെയ്തിരുന്നു . ഈ ഘട്ടത്തിൽ ദിവസേന അഞ്ച് കുടുംബങ്ങൾക്ക് ഭക്ഷണം നൽകാൻ സാധിക്കുന്ന 1 കോടി പാർട്ടി അംഗങ്ങളെ കണ്ടെത്താൻ ബിജെപി നേതൃത്വം സംസ്ഥാന പ്രസിഡന്റുമാർക്ക് നിർദ്ദേശം നൽകി . അടച്ചുപൂട്ടൽ കാലയളവിൽ അഞ്ച് കുടുംബങ്ങൾക്ക് ഭക്ഷണം നൽകാൻ ഉത്തരവാദിത്വം ഏറ്റെടുക്കാൻ കഴിയുന്ന ഒരു കോടി പാർട്ടി പ്രവർത്തകരെ കണ്ടെത്താനാണ് ബിജെപി അധ്യക്ഷൻ ജെപി നദ്ദ നിർദ്ദേശിച്ചിരിക്കുന്നത്.