സംസ്ഥാനത്ത് കോവിഡ് 19  തടയുന്നതിന്റെ ഭാഗമായുള്ള  പ്രതിരോധ പ്രവർത്തനങ്ങളെ ഏകോപിപ്പിക്കുന്നതിനായി  സെക്രട്ടേറിയറ്റിൽ വാർ റൂം തുറക്കാൻ തീരുമാനമായി. ചീഫ് സെക്രട്ടറിയാണ് ഇത് സംബന്ധിച്ച ഉത്തരവ് ഇറക്കിയത് . കെ ഇളങ്കോവൻ ഐഎഎസിന്റെ നേതൃത്വത്തിൽ ആണ് വാർ റൂം പ്രവർത്തിക്കുക . ആവശ്യമായ എല്ലാ സഹായവുമായി കേന്ദ്ര ആരോഗ്യ മന്ത്രാലയവും രംഗത്തുണ്ട് . വൈറസ് ബാധിതരുടെ വിവരം, റൂട്ട് മാപ്പ് തയ്യാറാക്കൽ അങ്ങനെ എല്ലാ കാര്യങ്ങളും കൃത്യമായി തന്നെ ഏകോപിപ്പിക്കുക എന്നതടക്കമുള്ള കാര്യങ്ങളാണ് വാർ റൂമിലുണ്ടാകുക. വാർ റൂം  24 മണിക്കൂറും പ്രവർത്തനസജ്ജമായിരിക്കും.
5 ഐഎഎസ് ഉദ്യോഗസ്ഥരാണ്  വാർ റൂമിൽ ഉണ്ടാകുക. അതേസമയം, മറ്റ് വകുപ്പുകളിൽ നിന്നുള്ള ഉദ്യോഗസ്ഥരെയും വാർ റൂമിലേക്ക് ശുപാർശ ചെയ്യുന്നതിന്  ഉത്തരവ് പുറപ്പെടുവിച്ചിട്ടുണ്ട് .  സംസ്ഥാനത്തെ എല്ലാ ജില്ലകളിലേയും പ്രതിരോധ പ്രവർത്തനങ്ങൾ ആരോഗ്യവകുപ്പ് ആണ് എകോപിപ്പിക്കുന്നത് . വാർ റൂം നമ്പർ  04712517225 ആണ്.