ഇക്കഴിഞ്ഞ ജനത കർഫ്യു സമയത്ത് ആളുകൾ കൈകൊട്ടിയും പാത്രങ്ങൾ കൊട്ടിയും ശബ്ദമുണ്ടാക്കിയപ്പോൾ കൊറോണ വ്യാപനം ഗണ്യമായ അളവിൽ  കുറഞ്ഞു എന്ന വാർത്ത ശുദ്ധമണ്ടത്തരമെന്ന് റിപ്പോർട്ടുകൾ. സാമൂഹ്യമാധ്യമങ്ങളിലൂടെയാണ് വാർത്തകൾ അധികവും പ്രചരിക്കുന്നത്. പ്രസ് ഇൻഫർമേഷൻ ബ്യൂറോയുടെ സത്യാന്വേഷണ വിഭാഗമാണ് ഈ സന്ദേശങ്ങളിൽ യാതൊരു കഴമ്പുമില്ലെന്ന് പരീക്ഷണ നിരീക്ഷണങ്ങളിലൂടെ കണ്ടെത്തിയത്. ആളുകൾ കൂട്ടം ചേർന്ന് കൈകൊട്ടുന്നതും പാത്രങ്ങൾ മുട്ടി ശബ്ദമുണ്ടാക്കുന്നതും ദോഷ ഫലമേ ചെയ്യൂ. പരമാവധി സാമൂഹിക അകലം പാലിച്ച് മറ്റ് മനുഷ്യരുമായുള്ള സമ്പർക്കം കുറയ്ക്കുക എന്നതാണ് ഈ ഘട്ടത്തിൽ ആകെ ചെയ്യാനുള്ളത്. വലിയ അളവിൽ ശബ്ദം കേൾപ്പിക്കുമ്പോൾ കൊറോണ വൈറസിന് നിലനിൽക്കാനാകില്ല എന്നത് മണ്ടത്തരമാണെന്നും ബ്യൂറോ കണ്ടെത്തി.