കോവിഡ് 19 അതിന്റെ മൂന്നാംഘട്ടത്തിലെത്തുമ്പോൾ രോഗനിയന്ത്രണത്തിനായി കടുത്ത നടപടികൾ സ്വീകരിക്കാനൊരുങ്ങുകയാണ് കേന്ദ്രസർക്കാരും വിവിധ സംസ്ഥാന സർക്കാരുകളും. രോഗം സ്ഥിരീകരിച്ച ജില്ലകളിൽ പലതിലും നിരോധനാജ്ഞ പുറപ്പെടുവിച്ചിട്ടുണ്ട്. ജില്ലകൾ അടച്ചിടുന്നതിനെ സംബന്ധിച്ച് പൊതുജനങ്ങൾ അറിഞ്ഞിരിക്കേണ്ട അഞ്ച് കാര്യങ്ങൾ ഇതാ...
1 . ജില്ലകൾ അടച്ചിട്ടാലും ആവിശ്യ സർവീസുകൾക്ക് നിരോധനമില്ല. വെള്ളം, ഭക്ഷണം, വൈദ്യുതി, ബാങ്കുകൾ, എ ടി എം സേവനങ്ങൾ, ആശുപത്രി, മെഡിക്കൽഷോപ്പ് , പത്രം, പോലീസ്, പലചരക്കുകട മുതലായ സാധനങ്ങളും സ്ഥാപനങ്ങളും സേവനങ്ങളും പൊതുജനങ്ങൾക്ക് അത്യാവശ്യമാണ്.. അവയ്ക്ക് നിരോധനമില്ല. 
2 . സ്വകാര്യ വാഹനങ്ങൾക്ക് നിരോധനമില്ലെങ്കിലും കോവിഡ് ബാധിത ജില്ലകളിൽ സ്വകാര്യ വാഹനങ്ങളിൽ സഞ്ചരിക്കുന്നവർ ഉദ്യോഗസ്ഥർ ആവിശ്യപ്പെടുന്നപക്ഷം അവരുടെ ചോദ്യങ്ങൾക്ക് ഉത്തരം പറയാൻ ബാധ്യസ്ഥരാണ്. 144 പ്രയോഗിക്കപ്പെടുന്നത് ഇടങ്ങളിൽ കൂട്ടം കൂടി നിൽക്കുന്നത് അനുവദനീയമല്ല. കോവിഡ് ബാധിത മേഖലകളിലേക്ക് പോകുവാനും അനുവാദം ഉണ്ടായിരിക്കില്ല. 
3 . അനാവശ്യമായി ആളുകൾ പുറത്തിറങ്ങാൻ പാടില്ലെന്നാണ് സർക്കാർ നിർദ്ദേശം. അവശ്യ വസ്തുക്കൾ വാങ്ങാനോ പണം പിൻവലിക്കാനോ ഒക്കെ മാത്രം പുറത്തിറങ്ങുന്നതാണ് പൊതുസമൂഹത്തിനോടുള്ള കരുതൽ. 
4 . ആളുകളിൽ നിന്നും പരമാവധി സാമൂഹ്യ അകലം പാലിക്കുന്നതിന്റെ ഭാഗമായി ആളുകൾ വന്നിരിക്കാൻ സാധ്യതയുള്ള പൊതുവിടങ്ങൾ പൂർണ്ണമായും അടയ്ക്കും. 
5 .പ്രഭാതനടത്തം, ജിമ്മുകൾ, ക്ലബ് മീറ്റിങ്ങുകൾ , മുതലായ സാമൂഹ്യ ഒത്തുചേരലുകളും കുറച്ച് നാളത്തേക്ക് ഒഴിവാക്കിയേ പറ്റൂ.