കോവിഡ് 19 ബാധ പ്രതിരോധിക്കുന്നതിന്റെ ഭാഗമായി രാജ്യത്തെ പല വ്യവസായശാലകളും സ്ഥാപനങ്ങളും ഉദ്യോഗസ്ഥർക്ക് വീട്ടിൽ ഇരുന്ന് ജോലി ചെയ്യാൻ കഴിയുന്ന വർക്ക് ഫ്രം ഹോം സൗകര്യം ഏർപ്പെടുത്തിയിരുന്നു. വലിയ അളവിൽ ഇന്റർനെറ്റ് ആവിശ്യം വരുന്ന പല ജോലികളും വീട്ടിലിരുന്ന് ചെയ്യുന്നതിന്റെ പ്രായോഗിക ബുദ്ധിമുട്ടുകളും ഇന്റർനെറ്റ് ലഭ്യതയുടെ പ്രശ്നങ്ങളും കണക്കിലെടുത്ത് ഒരു മാസത്തേക്ക് സൗജന്യ ഇന്റർനെറ്റ് നല്കാൻ തയ്യാറായി ബിഎസ്എൻഎൽ. നിലവില്‍ ബ്രോഡ്ബാന്‍ഡ് ഇല്ലാത്ത എല്ലാ ബിഎസ്‌എന്‍എല്‍ ലാന്‍ഡ്‌ലൈന്‍ ഉപയോക്താക്കള്‍ക്കും ഒരു മാസത്തേക്ക് സ്ഥാപനം ഫ്രീ ആയി ഇന്റർനെറ്റ് നൽകും. വർക്ക് അറ്റ് ഹോം എന്ന് പേരിട്ടിരിക്കുന്ന ഈ പ്ലാനിൽ ഇന്റർനെറ്റ് അൺലിമിറ്റഡ് ആയിരിക്കും. ഇന്‍സ്റ്റലേഷന്‍ ചാര്‍ജോ സെക്യൂരിറ്റി ഡിപ്പോസിറ്റോ ഉണ്ടാകില്ല. പുതിയ ലാന്‍ഡ്‌ലൈന്‍ കണക്ഷന്‍ എടുക്കുന്നവര്‍ക്കും സേവനം ലഭ്യമാകും.