കോവിഡ് ഭീതിയുമായി ബന്ധപ്പെട്ട ആളുകൾ പുറത്ത് പോലും ഇറങ്ങാൻ മടിയ്ക്കുന്ന പശ്ചാത്തലത്തിൽ വൈദ്യുതി ബില്ലും വെള്ളക്കരവും അടയ്ക്കാൻ 30 ദിവസം കൂടി സാവകാശം നൽകി സർക്കാർ. കൊറോണ വൈറസിന്റെ വ്യാപനം തടയാൻ കനത്ത ജാഗ്രത മാർഗങ്ങൾ സ്വീകരിക്കുന്നതിന്റെ ഭാഗമായാണ്  സർക്കാർ നടപടി.  കോവിഡ് പശ്ചാത്തലത്തിൽ സർവ്വകലാശാലകൾ നടത്താനിരുന്ന എല്ലാ പരീക്ഷകളും മാറ്റിവെക്കാൻ യുജിസിയും നിർദേശിച്ചിരുന്നു. ഈ മാസം അവസാനം വരെ മൂല്യ നിർണ്ണയ ക്യാമ്പുകളും നടക്കില്ല. സംസ്ഥാനത്തിന്റെ പൊതുരംഗമാകെ ഈ മാസം അവസാനം വരെ സ്തംഭിക്കും. സംസ്ഥാനത്തെ സ്വകാര്യ സ്ഥാപനങ്ങൾ പലതും ഉദ്യോഗസ്ഥർക്ക് വീട്ടിലിരുന്ന് ജോലി ചെയ്യാനുള്ള സംവിധാനം ഏർപ്പെടുത്തിയിട്ടുമുണ്ട്.