കൊറോണ വൈറസ് വ്യാപനം തടയുന്നതിന്റെ ഭാഗമായി കെഎസ്ആർടിസി ബസുകൾ അണുവിമുക്തമാക്കണം എന്ന മുഖ്യമന്ത്രിയുടെ നിർദ്ദേശം ഏറ്റെടുത്ത് ബസുകൾ വൃത്തിയാക്കി കെഎസ്ആർടിസി യാത്രക്കാരുടെ കൂട്ടായ്മ. ഒരു വാട്ട്സ്ആപ്പ് കൂട്ടായ്മ വഴിയാണ് ബസ് വൃത്തിയാക്കുന്ന പ്രവർത്തനങ്ങൾ ഏകോപിപ്പിച്ചത്. സർക്കാർ ഉദ്യോഗസ്ഥർ ഉൾപ്പടെ വിവിധ തൊഴിൽ മേഖലയിലുള്ള ആളുകൾ നല്ല ഉദ്ദേശത്തിനായി ഒത്തുകൂടി ബസുകൾ വൃത്തിയാക്കി. തിരുവനന്തപുരം നഗരത്തിലാണ് സുമനസുകളുടെ ബസ് വൃത്തിയാക്കൽ നടന്നത്. സ്വമേധയാ തയ്യാറായി വരുന്ന യാത്രക്കാരുടെ വൃത്തിയാക്കലിനോടൊപ്പം തന്നെ മുഖ്യമന്ത്രിയുടെ നിർദ്ദേശമനുസരിച്ച് കെഎസ്ആർടിസി ജീവനക്കാരും ബസുകളെ അണുമുക്തമാക്കാനുള്ള പ്രവർത്തനങ്ങളിൽ ഏർപ്പെടുന്നുണ്ട്.