ബസിലെ സീറ്റിൽ ഒറ്റയ്ക്കിരിക്കാൻ വേണ്ടി യുവാവ് ചെയ്തത് കണ്ട് ഞെട്ടി ബസ് യാത്രക്കാർ. താമരശ്ശേരിയിലാണ് സംഭവം. തനിക്ക് കൊറോണയുണ്ടെന്ന് പറഞ്ഞാണ് യുവാവ് മറ്റ് യാത്രക്കാരെ ഭീതിയിലാക്കിയത്. തുടർന്ന് ബസ് അധികൃതരും യാത്രാക്കാരും യുവാവിനെ ആശുപത്രിയിലെത്തിച്ചു. പരിശോധനയിൽ ഇയാൾ കൊറോണ ബാധിതനല്ലെന്ന് കണ്ടതോടെയാണ് ബസ് യാത്ര പുനരാരംഭിച്ചത്. കോഴിക്കോട്ടുനിന്ന് മൈസൂരുവിലേക്ക് പോകുകയായിരുന്ന കെ എസ് ആർ ടി സി ബസിൽ ഇന്നലെ രാവിലെ 6 : 30 നായിരുന്നു സംഭവം.