കൊറോണ വൈറസ് ഉടലെടുത്തതിനു ശേഷം ആദ്യമായി ചൈനീസ് പ്രസിഡന്റ് ഷീ ജിംങ് പിംങ്  വുഹാന്‍ സന്ദര്‍ശിച്ചു. കഴിഞ്ഞ ദിവസമാണ് ഹുബായ് പ്രവിശ്യയിലെ വുഹാന്‍ പിംങ് സന്ദര്‍ശിച്ചത്. വുഹാനില്‍ കൊറോണ പൊട്ടിപ്പുറപ്പെടാനുണ്ടായ സാഹചര്യം, നിലവിലെ ആരോഗ്യരക്ഷാ പ്രവര്‍ത്തനങ്ങള്‍, പ്രതിരോധ നടപടികള്‍ എന്നിവ ഷീ ജിംങ് പിംങ് വിലയിരുത്തിയതായാണ് റിപ്പോർട്ടുകൾ. ചൈനയുടെ പ്രതിസന്ധി തരണം ചെയ്യാന്‍ നടത്തുന്ന പ്രവര്‍ത്തനങ്ങള്‍ക്ക് വേണ്ട എല്ലാ സഹായങ്ങളും പിംങ് വാഗ്ദാനം ചെയ്തു. വുഹാനില്‍ നിന്നാരംഭിച്ച കൊറോണ വൈറസ് ബാധ നിലവില്‍ 102 രാജ്യങ്ങളിലേക്ക് വ്യാപിച്ചിരിക്കുകയാണ്, ആഗോള തലത്തില്‍ മരണ സംഖ്യ 4000 കടന്നതായാണ് കണക്ക്.