കൊറോണ വൈറസുമായി എത്തിയവരിൽ നിന്ന് മറ്റുള്ളവരിലേക്ക് പടർന്നതാണ് സംസ്ഥാനത്തിന്റെ മുന്നിലെ വെല്ലുവിളിയെന്ന് ആരോഗ്യമന്ത്രി കെ കെ ശൈലജ. രോഗം പടരാതിരിക്കാനുള്ള പ്രതിരോധ നടപടികളുമായി സഹകരിക്കണമെന്നും ആരോഗ്യമന്ത്രി പറഞ്ഞു. അതിനിടെ കോട്ടയം മെഡിക്കൽ കോളേജിൽ കൊവിഡ് 19 വൈറസ് ബാധിച്ച് ചികിത്സയിലുള്ള രോഗിയുടെ നില ഗുരുതരമായി തുടരുകയാണ്. നിലവിൽ നാല് പേരാണ് വൈറസ് ബാധിച്ച് കോട്ടയം മെഡിക്കൽ കോളേജിൽ കഴിയുന്നത്. ഇവരെ കൂടാതെ പത്ത് പേർ കോട്ടയത്ത് ഐസൊലേഷൻ വാർഡിൽ കഴിയുന്നുണ്ട്. ഇവരുടെ പരിശോധന ഫലം ഉടൻ ലഭിക്കുമെന്നാണ് സൂചന.