കൊറോണ ഭീഷണി വർധിക്കുന്ന സാഹചര്യത്തിൽ പോലീസ് ഉദ്യോഗസ്ഥരുടെ സുരക്ഷയ്ക്കായി റാങ്ക് ഭേദമില്ലാതെ എല്ലാവർക്കും മാസ്ക്കും ഹാന്‍ഡ് സാനിറ്റൈസറും വാങ്ങി നല്കാൻ തീരുമാനം. ഇതിനായി സംസ്ഥാന പോലീസ് മേധാവി ലോക്നാഥ് ബെഹ്റ എല്ലാ ജില്ലാ പോലീസ് മേധാവിമാര്‍ക്കും നിർദ്ദേശങ്ങൾ നൽകിയിട്ടുണ്ട്. 
കൊറോണ വൈറസ് ബാധ സംബന്ധിച്ച് സംസ്ഥാന സര്‍ക്കാരും കേന്ദ്രസര്‍ക്കാരും പുറപ്പെടുവിക്കുന്ന നിർദ്ദേശങ്ങൾ എല്ലാ പോലീസ് ഉദ്യോഗസ്ഥരുടെയും അവരുടെ കുടുംബാംഗങ്ങളുടെയും ശ്രദ്ധയില്‍പ്പെടുത്താനും നിര്‍ദേശിച്ചിട്ടുണ്ട്. സമൂഹത്തിൽ അവബോധം നല്‍കുന്നതിന് ജനമൈത്രി പോലീസിന്‍റെ സേവനം വിനിയോഗിക്കുമെന്നും പോലീസ് മേധാവി അറിയിച്ചു.