ഐ. എ.എസ്,  ഐ.പി. എസ്, ഐ.എഫ്. എസ് തുടങ്ങി 24 സിവിൽസർവ്വീസ് കേഡറുകളിലേയ്ക്കുള്ള പ്രിലിമിനറി പരീക്ഷയ്ക്ക്  യൂണിയൻ പബ്ളിക് സർവ്വീസ് കമ്മീഷൻ  അപേക്ഷ ക്ഷണിച്ചു.  796 ഒഴിവുകളാണ് ഉള്ളത്. സർവ്വകലാശാലാ ബിരുദമാണ് അടിസ്ഥാന യോ​ഗ്യത. മാർച്ച് മൂന്നാണ് 

 അപേക്ഷിക്കുവാനുള്ള  അവസാന തീയതി. യൂണിയൻ പബ്ളിക് സർവ്വീസ് കമ്മീഷന്റെ  വെബ്സൈറ്റിലൂടെ  ഓൺലൈനായി അപേക്ഷിക്കാവുന്നതാണ്.പ്രായം: 2020 ഓഗസ്റ്റ് ഒന്നിന് 21നും 32നും മധ്യേ. സംവരണ വിഭാഗങ്ങള്‍ക്ക് ചട്ടപ്രകാരമുള്ള ഇളവുകള്‍ ലഭിക്കും.
പ്രിലിമിനറി പരീക്ഷയ്ക്കുള്ള അപേക്ഷയാണ് ഇപ്പോള്‍ ക്ഷണിച്ചിരിക്കുന്നത്. 200 മാര്‍ക്ക് വീതമുള്ള രണ്ട് പേപ്പറുകളുണ്ടാകും. രണ്ട് മണിക്കൂറാണ് ഓരോ പേപ്പറിനുമുള്ളത്.100 രൂപയാണ് 
അപേക്ഷാഫീസ്. വനിതാ/എസ്.സി/എസ്.ടി/ഭിന്നശേഷി വിഭാഗങ്ങളില്‍പ്പെടുന്ന ഉദ്യോഗാര്‍ഥികള്‍ ഫീസ് അടയ്ക്കേണ്ടതില്ല. സ്റ്റേറ്റ് ബാങ്കിന്റെ ഏതെങ്കിലും ശാഖയിലോ ഓണ്‍ലൈനായോ ഫീസടക്കാം