തിരുവനന്തപുരം: സംസ്ഥാന സര്‍ക്കാര്‍ മികച്ച സ്‌പോര്‍ട്‌സ് ലേഖകനു നല്കുന്ന ജി.വി രാജാ മാധ്യമ പുരസ്‌കാരം ദീപിക സീനിയര്‍ റിപ്പോര്‍ട്ടര്‍ തോമസ് വര്‍ഗീസിന്. ദീപികയില്‍ പ്രസിദ്ധീകരിച്ച പ്രളയത്തെയും അതിജീവിച്ച പോരാട്ടവീര്യം എന്ന കായിക പരമ്പരയാണ് അവാര്‍ഡിന് അര്‍ഹമായത് . 50000 രൂപയും പ്രശസ്തിപത്രവും ഫലകവും അടങ്ങുന്ന അവാര്‍ഡ് പിന്നീട് സമ്മാനിക്കും. കായിക മന്ത്രി ഇ.പി ജയരാജനാണ് അവാര്‍ഡ് പ്രഖ്യാപിച്ചത് . ഇത് രണ്ടാം തവണയാണ് ജി.വി രാജാ സംസ്ഥാന മാധ്യമ പുരസ്‌കാരം തോമസ് വര്‍ഗീസ് നേടുന്നത്.  2013-ലെ ജി.വി രാജാ മാധ്യമപുരസ്‌കാരവും തോമസ് വര്‍ഗീസിനായിരുന്നു. ഇടുക്കി കുമളി ചക്കുപള്ളം സ്വദേശിയാണ് തോമസ്. ഭാര്യ ലിന്‍സി ഫിലിഫ്‌സ്. മകള്‍ മരിയ