നാഷണൽ ടെസ്റ്റിങ് ഏജൻസി നടത്തിയ ജോയിൻ്റ് എൻട്രൻസ് പരീക്ഷയുടെ ഉത്തര സൂചിക പ്രസിദ്ധീകരിച്ചു. എൻടിഎ ജെഇഇയുടെ ഔദ്യോഗിക വെബ്സൈറ്റിൽ നിന്നും വിദ്യാര്‍ഥികൾക്ക് ഉത്തരസൂചിക ഡൗൺലോഡ് ചെയ്യാം എന്ന് എൻടിഎ ഡയറക്ടര്‍ വിനീത് ജോഷി അറിയിച്ചു.

ഫെനൽ ഉത്തര സൂചിക വരുന്നത് വരെ വിദ്യാര്‍ഥികൾക്ക് ശരിയുത്തരത്തിനായി ചലഞ്ച് ചെയ്യാനുള്ള അവസരവുമുണ്ട്. ചലഞ്ച് ചെയ്യാൻ ആഗ്രഹിക്കുന്ന വിദ്യാര്‍ഥികൾ 1000 രൂപ അടക്കണം. ഡെബിറ്റ്, ക്രഡിറ്റ്, നെറ്റ് ബാങ്കിങ് മുഖേന ഇതിന് ഫീസ് അടക്കാം. പരീക്ഷാര്‍ഥികൾ ഉന്നയിച്ച ചോദ്യങ്ങൾ പരിശോധിച്ച ശേഷമായിരിക്കും അവസാന ഉത്തര സൂചിക പ്രസിദ്ധീകരിക്കുക.

ഡൗൺലോഡ് ചെയ്യാം

1. എൻടിഎ ജെഇഇ ഔദ്യോഗിക വെബ്സൈറ്റ് സന്ദര്‍ശിക്കുക
2. ആൻസര്‍ കീ എന്ന ലിങ്കിൽ ക്ലിക്ക് ചെയ്യുക
3. രജിസ്ട്രേഷൻ നമ്പറും വിവരങ്ങളും നൽകുക
4. ആൻസര്‍ കീ തുറന്ന് വരും
5. ഡൗൺലോഡ് ചെയ്ത് സൂക്ഷിക്കുക
രണ്ട് ഷിഫ്റ്റുകളിലായി എൻടിഎ നടത്തിയ പരീക്ഷയിൽ 11 ലക്ഷം വിദ്യാര്‍ഥികളാണ് പങ്കെടുത്തത്. കഴിഞ്ഞ വര്‍ഷത്തിൽ നിന്നും ചില മാറ്റങ്ങളോടെ ബി.ടെക്, ബി.ആര്‍ക്, ബിപ്ലാൻ വിദ്യാര്‍ഥികൾക്ക് വ്യത്യസ്ഥമായാണ് ഇത്തവണ നാഷണൽ ടെസ്റ്റിങ് ഏജൻസി പരീക്ഷ നടത്തിയത്.

നാഷണല്‍ ഇന്‍സ്റ്റിറ്റ്യൂട്ട് ഓഫ് ടെക്നോളജി (എന്‍ഐടി), ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫര്‍മേഷന്‍ ടെക്നോളജി (ഐഐഐടി), കേന്ദ്ര സഹായത്താല്‍ പ്രവര്‍ത്തിക്കുന്ന സാങ്കേതിക സ്ഥാപനങ്ങള്‍ എന്നിവയിലെ ബി.ഇ, ബി.ടെക്, ബി.ആര്‍ക്, ബി.പ്ലാനിങ് പ്രവേശനം ജെ.ഇ.ഇ സ്‌കോര്‍ അടിസ്ഥാനമാക്കിയാണ്. വര്‍ഷത്തില്‍ രണ്ടു തവണയാണ് ജെ.ഇ.ഇ മെയിന്‍ പരീക്ഷ നടക്കുന്നത്. രണ്ടാം പരീക്ഷ 2020 ഏപ്രില്‍ മൂന്നു മുതല്‍ ഒന്‍പതുവരെ നടക്കും. ഇതിനുള്ള രജിസ്ട്രേഷന്‍ ഫെബ്രുവരി ഏഴിന് തുടങ്ങി മാര്‍ച്ചിൽ അവസാനിക്കും.