പ്രണയം മനസ്സിൽ നിറഞ്ഞു തുളുമ്പിയപ്പോൾ, പ്രണയത്തിന്റെ ഉൾക്കടലലകൾ അടിച്ചപ്പോൾ വേർപിരിയാൻ അവർക്ക് പറ്റാതായി. അങ്ങനെ  നിവേദും റഹീമും വിവാഹം കഴിച്ചു. സമൂഹത്തിന്റെ അലിഖിത നിയമങ്ങൾ കാറ്റിൽ പറത്തി ​ഗേ ദമ്പതികളായ നിവേദും റഹീമും പുതുവത്സരത്തെ പ്രണയപൂർവ്വം വരവേൽക്കാനുള്ള ഒരുക്കത്തിലാണ്. ഫേസ് ബുക്കിലൂടെയാണ് നിവേദ് വിവാഹകാര്യം ലോകത്തെ അറിയിച്ചത്. വിമർശനങ്ങൾ ഏറ്റുവാങ്ങും എന്ന് ഉറപ്പാക്കിക്കൊണ്ടാണ് നിവേദ് ഫേസ്ബുക്കിൽ  റഹീമിനെ വിവാഹം കഴിക്കുന്ന കാര്യം അറിയിച്ചത്. വിമർശനങ്ങളേക്കാൾ പിന്തുണയാണ് ഈ ദമ്പതികൾക്ക് ലഭിച്ചത്. ടിക് ടോക്കിലും നല്ല പ്രതികരണമാണ് ലഭിച്ചത്.

നെ​ഗറ്റീവായ അഭിപ്രായങ്ങൾക്ക് ശ്രദ്ധകൊടുത്തില്ലെന്നും പോസിറ്റീവായവ സ്വീകരിച്ചെന്നും നിവേദ് പറഞ്ഞു. സമൂഹത്തിന്റെ കീഴ്വഴക്കങ്ങൾ ലംഘിക്കപ്പെടുമ്പോൾ നെ​ഗറ്റീവായ കമന്റുകൾ ഉണ്ടാകുക സ്വാഭാവികമാണെന്ന് നിവേദ് പറയുന്നു. തങ്ങളുടെ വീട്ടുകാർ വിവാഹത്തെ അം​ഗീകരിക്കുമെന്ന് കരുതി നിവേദും റഹീമും കാത്തിരുന്നത് പ്രണയത്തിന്റെ അഞ്ചുവർഷക്കാലമാണ്. എന്നാൽ വീട്ടുകാർ എതിർത്തു. വീട്ടുകാരുടെ സമ്മതത്തോടെ ഒന്നിച്ചു ജീവിക്കാൻ കഴിയില്ലെന്ന് കണ്ടപ്പോൾ ഇരുവരും വിവാഹിതരായി.
ട്രാൻസ്ജെന്റേഴ്സിന് ഇന്ത്യയിൽ ‍‍ജീവിക്കാൻ നിയമസാധുത ഉണ്ട്. എന്നാൽ ലെസ്ബിയൻ, ​​ഗേ ദമ്പതികൾക്ക് അതില്ല. അതുകൊണ്ട് തന്നെ  നിയമപരമായി വിവാഹിതരാകാൻ നിവേദിനും റഹീമിനും സാധിച്ചില്ല.  എന്നാൽ ഒന്നിച്ചു ജീവിക്കാൻ അവർ തീരുമാനിക്കുകയായിരുന്നു. മം​ഗളൂരുവുലാണ് നിവേദും റഹീമും ഇപ്പോൾ താമസിക്കുന്നത്. ആക്ടിവിക്ടുകളായ നിരവധി സുഹൃത്തുകൾ ഇവർക്ക് പിന്തുണയുമായുണ്ട്.
ഫേസ്ബുക്കിലൂടെയാണ് നിവേദും റഹീമും പരിചയപ്പെട്ടത്. അതു പിന്നീട് പ്രണയമായി വളരുകയായിരുന്നു. സമൂഹത്തെ ഭയന്നും വീട്ടുകാരുടെ നിർബന്ധം കാരണവും രണ്ടുപെൺകുട്ടികളുടെ ജീവിതം നശിപ്പിക്കാൻ ആ​ഗ്രഹമില്ലാത്തതുകൊണ്ടാണ് മനസ്സിലെ രതിവഴി തിരഞ്ഞെടുത്തതെന്ന് നിവേദും റഹീമും പറയുന്നു.
​ഗേ കൾ പലരും പെൺകുട്ടികളെ വിവാഹം കഴിച്ചിട്ടുണ്ട്. എന്നാൽ ഈ ബന്ധത്തിന് നീർക്കുമിളയുടെ ആയുസ്സാണ് ഉള്ളത്. എതിർലിം​ഗത്തിൽപ്പെട്ടവരുമായുള്ള വിവാഹബന്ധം ദുരന്തമാകുന്നതിനേക്കാൾ നല്ലത് മനസ്സിനിഷ്ടപ്പെട്ട വഴി സ്വീകരിക്കുകയാണ്. തങ്ങൾ അതാണ് ചെയ്തെന്ന് നിവേദ്  വെളിപ്പെടുത്തി.

വിദേശത്ത് പോയി ഐ.വി. എഫ് വഴി കുഞ്ഞിന് ജന്മം നൽകാനാണ് ഇവർ ഉദ്ദേശിച്ചിരുന്നത്. എന്നാൽ ബാം​ഗ്ളൂരിലെ ആക്ടിവിക്ടായ പെൺസുഹൃത്ത് അമ്മയാകാൻ സമ്മതമറിയിക്കുകയായിരുന്നു. കുഞ്ഞിക്കാൽ കാണാനുള്ള ആ​ഗ്രഹത്തിലാണ് ഇരുവരും.