സംസ്ഥാനത്തെ മികച്ച വ്യാവസായിക സംരംഭകർക്കും മികച്ച കരകൗശല വിദഗ്ധർക്കുമായി വ്യവസായ വാണിജ്യ വകുപ്പ് ഏർപ്പെടുത്തിയ പുരസ്‌കാര വിതരണം നാളെ നടക്കും. വൈകിട്ട് 4.30 ന് മാസ്‌കറ്റ് ഹോട്ടൽ സിംഫണി ഹാളിൽ വ്യവസായ വകുപ്പ് മന്ത്രി ഇ.പി. ജയരാജൻ പുരസ്‌കാരവിതരണ ചടങ്ങ് ഉദ്ഘാടനം ചെയ്യും. വി.കെ. പ്രശാന്ത് എം.എൽ.എ അധ്യക്ഷത വഹിക്കും.

2015-16 വർഷത്തെ മികച്ച വ്യാവസായിക സംരംഭകർക്കും 2016ലെ മികച്ച കരകൗശല വിദഗ്ധർക്കുമുള്ള പുരസ്‌കാര വിതരണമാണ് നടക്കുന്നത്. മേയർ കെ. ശ്രീകുമാർ മുഖ്യപ്രഭാഷണം നടത്തും.