ബാങ്കുകളുടെ എഴുത്തുകുത്തുകളും ഇടപാടുകൾ സംബന്ധിച്ചുള്ള വിവരങ്ങളും മലയാളത്തിലാക്കണമെന്ന് മനുഷ്യാവകാശ കമ്മീഷൻ ഉത്തരവിട്ടു. മനുഷ്യാവകാശ കമ്മീഷൻ അധ്യക്ഷൻ ജസ്റ്റിസ് ആന്റണി ഡൊമിനിക്കാണ്  ഉത്തരവിട്ടത്. ബാങ്ക് അക്കൗണ്ട് എടുക്കുന്നതു മുതലുള്ള എല്ലാ കാര്യങ്ങളും ഇം​ഗ്ളീഷ് ഭാഷയിലാണ് ചെയ്യേണ്ടത്. ബാങ്ക് ഇടപാടുകാരിൽ 75 ശതമാനത്തിനും ഇത് വായിച്ചു മനസ്സിലാക്കാൻ കഴിയാറില്ല.ബാങ്ക് ജീവനക്കാർ പറയുന്ന ഇടങ്ങളിൽ ഒപ്പിട്ടു നൽകുകയാണ്  ഇടപാടുകാർ ചെയ്യുന്നത്. ബാങ്കുകാർ ഈടാക്കുന്ന വിവിധതരം ചാർജുകളെക്കുറിച്ചും ഇടപാടുകാരിൽ ഭൂരിഭാ​ഗവും അജ്ഞരാണ്. ഇക്കാര്യം ചൂണ്ടിക്കാട്ടി അഭിഭാഷകനായ ടോംജോസ് പൂച്ചാലിൻ നൽകിയ പരാതിയിലാണ് മനുഷ്യാവകാശകമ്മീഷൻ ഉത്തരവിട്ടത്.