2019 ലെ ‘മികച്ച ഹണിമൂൺ ഡെസ്റ്റിനേഷൻ’ അവാർഡ് കേരളത്തിന്. ട്രാവൽ ആൻഡ് ലഷർ ഇന്ത്യയും  സൗത്ത് ഏഷ്യ മാഗസിനും ചേർന്നു സംഘടിപ്പിച്ച  അവാർഡിൽ  2019 ലെ മികച്ച ആഭ്യന്തര ഹണിമൂൺ ഡെസ്റ്റിനേഷൻ വിഭാഗത്തിലാണ്  കേരളത്തിന് അവാർഡ് ലഭിച്ചത് .ദില്ലിയിലെ കേരള ടൂറിസം ഡെപ്യൂട്ടി ഡയറക്ടർ മനോജ് ടി.സി സംസ്ഥാന സർക്കാരിനുവേണ്ടി അവാർഡ് ഏറ്റുവാങ്ങി .നവംബർ 15 ന് ന്യൂഡൽഹിയിൽ നടന്ന ചടങ്ങിലാണ് അവാർഡ് നൽകിയത് .

അന്താരാഷ്ട്ര, ആഭ്യന്തര ടൂറിസം വകുപ്പുകൾ, ഹോട്ടലുടമകൾ, ലക്ഷ്യസ്ഥാനങ്ങൾ, ഫെസിലിറ്റേറ്റർമാർ, സേവന ദാതാക്കൾ, ട്രെൻഡ്‌സെറ്റർമാർ എന്നിവർക്കും അവാർഡുകൾ ലഭിച്ചു .  കേരള ടൂറിസത്തിന്റെ ബോധപൂർവമായ സംരംഭങ്ങൾക്ക് ഈ അവാർഡ് ഒരു  അംഗീകാരമാണെന്ന് ടൂറിസം മന്ത്രി കടകമ്പള്ളി സുരേന്ദ്രൻ പറഞ്ഞു. പ്രകൃതിദത്തമായ കേരവൃക്ഷങ്ങൾ , ശാന്തമായ കായലുകൾ,  ബീച്ചുകൾ,  പർ‌വ്വതങ്ങൾ‌ എന്നിവയാൽ കേരളം സമ്പന്നമാണ് .  കൂടാതെ പ്രശസ്‌തമായ ആയുർ‌വേദ തെറാപ്പികളും , ചികിത്സകളും  ടൂറിസം വകുപ്പിന്റെ  ശ്രമങ്ങൾക്ക് ഉത്തേജനം നൽകുന്നവയാണെന്നും  മന്ത്രി കൂട്ടിച്ചേർത്തു .