2020 ലെ യു. എസ് തിരഞ്ഞെടുപ്പുമായി ബന്ധപ്പെട്ട രാഷ്ട്രീയ പരസ്യങ്ങൾ നൽകില്ലെന്ന് ‍ട്വിറ്റർ. പാർട്ടി സ്ഥാനാർത്ഥികൾ, തിരഞ്ഞെടുപ്പ് വാ​​ഗ്ദാനങ്ങൾ എന്നിവയുമായി ബന്ധപ്പെട്ട രാഷ്ട്രീയ പരസ്യങ്ങൾ ട്വിറ്ററിലൂടെ നൽകി വോട്ടർമാരെ തെറ്റിദ്ധരിപ്പിക്കാൻ സാധ്യതയുള്ളതുകൊണ്ടാണ് വിലക്ക് ഏർപ്പെടുത്തിയതെന്ന് ട്വിറ്റർ സി. ഇ. ഒ ജാക് ഡോർസെ അറിയിച്ചു. പുതിയ നിയമത്തെക്കുറിച്ച് നവംബർ പകുതിയോടെ ലോകവ്യാപകമായി അറിയിപ്പുണ്ടാകും. നവംബർ അവസാനത്തോടെ ഇത് നിലവിൽ വരും. ഇന്റർനെറ്റ് വഴി വരുന്ന പരസ്യങ്ങൾ വളരെ പ്രയോജനകരമാണെന്നും രാഷ്ട്രീയപാർട്ടികൾ ഇവയിലൂടെ വോട്ടർമാരെ സ്വാധീനിക്കാൻ ശ്രമിച്ചാൽ ദശലക്ഷങ്ങളുടെ ജീവിതത്തെ ബാധിക്കുമെന്നും ജാക് ഡോർസെ ട്വിറ്റ് ചെയ്തു.