കേശസംരക്ഷണത്തിന് അല്പം ശ്രദ്ധകൊടുത്താൽ  ആരും കൊതിക്കുന്ന മുടിയഴക് സ്വന്തമാക്കാം. ഇതാ ചില പൊടിക്കൈകൾ...

ഷാപൂവിന് പകരം താളി
ഷാപൂവിലടങ്ങിയിരിക്കുന്ന കെമിക്കലുകൾ മുടിനാരുകളുടെ ബലം കുറയ്ക്കുകയും ആരോ​ഗ്യം നശിപ്പിക്കുകയും ചെയ്യും. ഷാപൂവിന് പകരം പ്രകൃതിദത്തമായ താളി ഉപയോ​ഗിക്കുന്നത് നല്ലത്.

താരൻ മാറാൻ
ആര്യവേപ്പിലയിട്ട് തിളപ്പിച്ചാറ്റിയ വെള്ളം ഉപയോ​ഗിച്ച് തലകഴുകുന്നത് താരനെ അകറ്റും. ചെമ്പരത്തിയില അരച്ച് തലയിൽ പുരട്ടിയതിനുശേഷം അരമണിക്കൂർ കഴിഞ്ഞ് കഴുകിക്കളയുന്നതും താരനുള്ള പ്രതിവിധിയാണ്. മുട്ടയുടെ വെള്ള തലയിൽ പുരട്ടിയതിനുശേഷം അരമണിക്കൂർ കഴിഞ്ഞ്
കഴുകിക്കളഞ്ഞാലും താരൻ മാറും.

ചൂടുവേണ്ട
‌കുളിച്ചതിനുശേഷം ഹീറ്റർ ഉപയോ​ഗിച്ച് മുടി ഉണക്കുന്നത് നല്ലതല്ല. ഈ രീതി മുടിയുടെ ബലം കുറയ്ക്കുകയും മുടി കൊഴിച്ചിലിന് കാരണമാകുകയും ചെയ്യും.

ഭക്ഷണത്തിലും ശ്രദ്ധിക്കണം
നെല്ലിക്ക, മുരിങ്ങയില എന്നിവ ഭക്ഷണത്തിൽ ഉൾപ്പെടുത്തുന്നത്  നര വരാനുള്ള സാധ്യത കുറയ്ക്കും. മുടിക്ക് കരുത്തേകുകയും ചെയ്യും.

മസാജ്
തലയോട്ടിൽ ചെറുചുടുള്ള എണ്ണ ഉപയോ​ഗിച്ച് മസാജ് ചെയ്യുന്നത്  രക്തയോട്ടം വർദ്ധിപ്പിക്കുകയും മുടി ഇടതൂർന്നു വളരാൻ സഹായിക്കുകയും ചെയ്യും.