തിരുവനന്തപുരം: കേരളാ ആരോഗ്യ സർവകലാശാല അത് ലറ്റിക്  മത്സരങ്ങൾ പാളയം യൂണിവേഴ്സിറ്റി സ്റ്റേഡിയത്തിൽ ആരംഭിച്ചു. വെള്ളിയാഴ്ച വൈകിട്ട് ആരോഗ്യ സർവകലാശാല വൈസ് ചാൻസലർ ഡോ എം കെ സി നായർ മത്സരം ഉദ്ഘാടനം ചെയ്തു. കായിക താരങ്ങൾ പഠനത്തിനപ്പുറം ഏതു കഴിവുകളെയും അംഗീകരിക്കുന്നവരാണെന്ന് അദ്ദേഹം പറഞ്ഞു. മത്സരങ്ങളുടെ അവസാനം വരെ വിജയപ്രതീക്ഷയുമായി മുന്നേറാൻ മലയാളികളായ കായിക താരങ്ങൾ ശ്രദ്ധിക്കണമെന്നും ഡോ എം കെ സി നായർ പറഞ്ഞു. മെഡിക്കൽ, ആയുർവേദ, ഡെന്റൽ, ഹോമിയോ, നേഴ്സിംഗ് കോളേജുകളിൽ നിന്നായി ആയിരത്തിലധികം മത്സരത്തിൽ പങ്കെടുക്കുന്നുണ്ട്. തിരുവനന്തപുരം ഗവ. മെഡിക്കൽ കോളേജിന്റെ ആഭിമുഖ്യത്തിലാണ് മത്സരങ്ങൾ സംഘടിപ്പിച്ചിരിക്കുന്നത്. മത്സരം ശനിയാഴ്ച സമാപിക്കും.