പ്രളയത്തില്‍ ചാലിയാര്‍ പുഴയ്ക്ക് കുറുകെയുളള പാലം തകര്‍ന്ന് ഒറ്റപ്പെട്ട നിലമ്പൂരിലെ ഇരുട്ടുകുത്തി, കുമ്പളപ്പാറ,തരിപ്പൊട്ടി,വാണിയംപുഴ കോളനിക്കാര്‍ക്ക് മലപ്പുറം കലക്ടര്‍ ജാഫര്‍ മാലിക്കിന്റെ നേതൃത്വത്തില്‍ പാലം ഒരുങ്ങുന്നു. 2019ലെ പ്രളയത്തില്‍ കോളനിയിലേയ്ക്കുളള ഏക ആശ്രയമായ പാലം ഇല്ലാതാവുകയായിരുന്നു. ഇതോടെ ഒറ്റപ്പെട്ട അവസ്ഥയിലായിരുന്നു ഈ കോളനികളിലെ നൂറോളം വരുന്ന കുടുംബങ്ങള്‍.  കലക്ടറും സംഘവും കോളനിയിലെ സ്ഥിതിയറിയാന്‍ ഊരുകൂട്ടങ്ങളില്‍ പങ്കെടുത്തതിനെ തുടര്‍ന്നാണ് പാലം നിര്‍മ്മിക്കാം എന്ന തീരുമാനത്തിലെത്തിയത്.