കൊണ്ടോട്ടി: കിഴിശ്ശേരി ഗണപത് യുപി സ്കൂളിലെ പിടിഎയും, ജെസിഐ കിഴിശ്ശേരി യും സംയുക്തമായി സ്കൂളിലെ വിദ്യാർത്ഥികളെയും, അവരുടെ രക്ഷിതാക്കളെയും, സ്കൂൾ അധ്യാപകരെയും, ശാക്തീകരിച്ച്  ദിശാബോധം നൽകാനായി വഴിയൊരുക്കാം-തുണയൊരുക്കാം, പദ്ധതിക്ക് തുടക്കം കുറിച്ചു. പരിപാടിയുടെ ഭാഗമായി, ഒരുവർഷം നീണ്ടുനിൽക്കുന്ന വിവിധ സാമൂഹിക വിദ്യാഭ്യാസ പ്രവർത്തനങ്ങൾ സ്കൂളിൽ നടക്കും. അരീക്കോട് ബ്ലോക്ക് പഞ്ചായത്ത് പ്രസിഡണ്ട് പറമ്പൻ ലക്ഷ്മി പദ്ധതി ഉദ്ഘാടനം ചെയ്തു. പിടിഎ പ്രസിഡണ്ട് പി കെ സലാം മാസ്റ്റർ അധ്യക്ഷത വഹിച്ചു. സ്കൂളിലെ പ്രധാന അധ്യാപകൻ ടി.സന്തോഷ് പദ്ധതി വിശദീകരിച്ചു. മാനേജർ ഓ പി ശാരദാമ്മ, ജെ സി സി എം അബ്ദുൽ റഷീദ്, ജെസിഐ മേഖലാ അസിസ്റ്റന്റ് കോഡിനേറ്റർ ജെ സി ഉമ്മർ അരീക്കോട്, വാർഡ് മെമ്പർ പി റുഖിയ, പിടിഎ വൈസ് പ്രസിഡണ്ട് ഉമ്മുസൽമ, എന്നിവർ പ്രസംഗിച്ചു. രക്ഷിതാക്കൾക്കുള്ള ബോധവൽക്കരണ ക്ലാസിന് ഹാരിസ് റഹ്മാൻ ഒഴുകൂർ, റഊഫ് പുത്തലൻ എന്നിവർ നേതൃത്വം നൽകി.